ജയൻ
കുഞ്ഞിരാമൻനാട്ടിലെ ഒരു ഭ്രാന്തനാണ് .
പേര് കുഞ്ഞിരാമനാണെങ്കിലും
പഴയ സിനിമാനടൻ
ജയന്റെ പേരിലാണ് പ്രസിദ്ധം !
ഭ്രാന്ത്,
പാതി ജീവിതം കൊടുത്തു
പാതിയേതൊരു
ഭ്രാന്തനേയും പോലെ
നാട്ടുകാരും കൊടുത്തു !
കുഞ്ഞിരാമൻ പോകുമ്പോൾ
നാട്ടുകാർ വിളിച്ചുചോദിക്കും
'ജയാ ജയാ' ജയനെ കാണിക്കുമോ'?
ജയനെ കാണിച്ചങ്ങനെ
ജയിച്ചഭാവത്തിൽ നിൽക്കും
കുഞ്ഞിരാമനങ്ങനെ ജയനുമായി !
വിശന്നാലിടക്കിടെ വരും
വീട്ടിൽ കയറും മുമ്പേ
കൈകൊണ്ട് ചോദിക്കും
കഴിക്കുവാനെന്തേലുമുണ്ടോ ?
വിശപ്പാണ് വലുതെങ്കിലും
ചില വീട്ടിലേ കയറുള്ളു
ചൂടനാണെങ്കിലുമറിയാം
ചോറുള്ളവീടും കൂറുള്ള വീടും!
കാപട്യമുള്ളൊരീലോകത്തുനിൻ
കളങ്കമില്ലാത്തൊരാച്ചിരിയുമായ്
ജയാ, നീ ജയിച്ചുവോ ജീവിതം?
സനീഷ് കായണ്ണ ബസാർ
(കൊറോണക്കാലത്തെ കവിതകൾ -57)
(കൊറോണക്കാലത്തെ കവിതകൾ -57)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ