പനിനീർപൂവ്

 ഹാ !

പനിനീർപുഷ്പമേ  

പറയുകയാരാണുനിന്നെ
പ്രണയിച്ചിടുന്നതിത്രയും ? 

എത്ര നനുത്ത ദളങ്ങൾ 

അണിഞ്ഞിരിക്കുന്നു നീ 

എത്ര വശ്യമാം സുഗന്ധം 

പൂശിനിൽക്കുന്നു നീ !

എത്ര മധുരമാം തേൻകണം

അലിവോടെ നൽകുന്നു നീ 

അതുനോവാതെ നുകരുവാൻ  

എത്ര ചിത്രശലഭങ്ങൾ !

ഇത്ര മനോഹരമാം നിറം  
ഇന്ദ്രജാലമോ കിനാവോ?
ഇമയടക്കാതെ കണ്ണുകൾ 
ഈമനംമയക്കും ഭംഗിയിൽ !

കവർന്നെടുക്കാൻവരും 

കരങ്ങളെത്തടയുവാൻ
കാവൽമുള്ളുകളങ്ങിങ്ങ്  
കാലമേ, നീയൊരുക്കിയല്ലോ!  

കുഞ്ഞിളംകാറ്റിൽ നീ 

കൊഴിഞ്ഞുപോമെങ്കിലും 

ക്രൗര്യമാനുഷ്യനെക്കാളും

മനസ്സിലുണ്ടു നീ പുഷ്പമേ 

എൻപ്രിയ, പനിനീർപുഷ്പമേ !

സനീഷ് കായണ്ണ ബസാർ

(കൊറോണക്കാലത്തെ കവിതകൾ -56 )