'ബലിയാടുകൾ'
ധീരതയോടെ
അതിർത്തികളിൽ
രക്തസാക്ഷികളാകുന്ന
ദേശത്തിന്റെ കാവൽക്കാർ
ബലിയാടുകൾ തന്നെ !
ഒന്നായ ഭൂമിയെ
തുണ്ടുകളാക്കിതിരിച്ച്
രാജ്യത്തിന്റെ പേരുനല്കി
മറുരാജ്യത്തെ മനുഷ്യനെ
ശത്രുക്കളാക്കിയതാരാണ് ?
ആകാശവും വായുവും
ഭൂമിയുമൊന്നാണെന്നിരിക്കേ
ആർക്കുവേണ്ടിയാണ്
അതിർത്തികളിലൊക്കെ
മനുഷ്യൻ മരിച്ചുവീഴുന്നത് ?
മനുഷ്യസ്നേഹത്തെ
ഒന്നായിക്കാണാത്ത
ഭരണകൂടവും നിയമവും
അസഹിഷ്ണുതയുടെ
അണക്കെട്ടുകളാണ് !
വരും കാലത്തിന്റെ
വലിയ സ്നേഹമർദ്ദത്തിൽ
അവ ഒലിച്ചുപോകും !
പുഷ്പവണ്ടിയിൽ
ഒരു മൃതദേഹം പോലും
ഒരുവീട്ടിലുമെത്താതിരിക്കട്ടെ !
പക്ഷിക്കുപോലുമറിയുന്ന
ഏകതയുടെ സ്വർഗ്ഗരാജ്യം
മനുഷ്യൻ പണിതുയർത്തട്ടെ !
അസഹിഷ്ണുതയുടെ
അണക്കെട്ടുകളാണ് !
വരും കാലത്തിന്റെ
വലിയ സ്നേഹമർദ്ദത്തിൽ
അവ ഒലിച്ചുപോകും !
പുഷ്പവണ്ടിയിൽ
ഒരു മൃതദേഹം പോലും
ഒരുവീട്ടിലുമെത്താതിരിക്കട്ടെ !
പക്ഷിക്കുപോലുമറിയുന്ന
ഏകതയുടെ സ്വർഗ്ഗരാജ്യം
മനുഷ്യൻ പണിതുയർത്തട്ടെ !
സനീഷ് കായണ്ണ ബസാർ
(കൊറോണക്കാലത്തെ കവിതകൾ -55 )
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ