'ലഹരി'
നിന്റെയൊരുപാട്ആഗ്രഹങ്ങൾക്കിടയിൽ
ഒരേയൊരാഗ്രഹം മാത്രം
അതിതീവ്രമായിരിക്കണം !
കാറ്റിലതണയില്ല
കൊടുംചൂടതുരുക്കില്ല
പ്രളയമതൊഴുക്കില്ല
അഗ്നിയത് ദഹിപ്പിക്കില്ല !
അതില്ലെങ്കിൽ
നീയുണ്ടായിരിക്കരുത്.
അതിലുറങ്ങിയുണർന്ന്
നീ ജീവിക്കുകതന്നെചെയ്യും !
ഒടുവിലാസ്വപ്നത്തിൽ
സമയമേറ്റവും വേഗത്തിൽ
പറന്നുപറന്നു പോകും!
പിന്നീടുള്ള നിന്നെ
നിർവചിക്കുന്നതും
അതുതന്നെയിരിക്കും !
അത്, ജീവിതത്തിന്റെ
ഒരേയൊരു ലഹരി!
കോറോണക്കാലത്തെ കവിതകൾ -47
സനീഷ് കായണ്ണ ബസാർ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ