ബ്ലെയ്ഡ്
ചെറിയതരം
പെഡിക്യൂറും
മാനിക്യൂറും ചെയ്യാൻ
പെഡിക്യൂറും
മാനിക്യൂറും ചെയ്യാൻ
ഒരു ബ്ലെയ്ഡ് ധാരാളം !
എങ്കിലും
വെറും രണ്ടു രൂപയുടെ
ഒരു ബ്ലെയ്ഡ്
ഇരുതല മൂർച്ചയുള്ള
മാരകായുധവുമാണ് !
ബ്ലെയ്ഡും
പ്രണയനിരാശരും
കൈഞരമ്പുമായുള്ള ബന്ധം
പ്രണയത്തോളം പഴകിയതും !
മനസ്സുതെറ്റിയനേരം
ബ്ലെയ്ഡുവഴിയങ്ങ്
രക്ഷപ്പെട്ടാലോയെന്ന്
അച്ഛനും തോന്നിക്കാണും !
ജൂലൈമാസത്തിലെ
കനത്ത മഴയെതോൽപിച്ച്
കഴുത്തിലെ ഞരമ്പിലൂടൊഴുകിയ
രക്തപ്പുഴയിലൂടെയാണച്ഛൻ
കടലിലേക്കൊഴുകിപ്പോയത് !
എന്നും തിരകൾ വന്ന്
എന്നോടെന്തോ പറയുന്നുണ്ട് ...
സനീഷ് കായണ്ണ ബസാർ
(കൊറോണക്കാലത്തെ കവിതകൾ -52 )
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ