അവിവാഹിതർ
വിവാഹപ്രായംകഴിഞ്ഞ(അങ്ങനെയൊന്നില്ലെങ്കിലും!)
അവിവാഹിതരെ
ചൂഴ്ന്നെടുക്കുന്ന
ചില കഴുകൻ കണ്ണുകളുണ്ട് ...
എന്തുകൊണ്ട്
വിവാവാഹിതരാകുന്നില്ല ?
എന്നതിനേക്കാൾ
ആരുമായുമൊക്കെയായാണ്
സംസർഗമെന്നാണ്
സത്യാന്വേഷികൾക്കറിയേണ്ടത് !
പട്ടായയിലോ
ഗുണ്ടൽപേട്ടയിലോ
സോനാഗച്ചിയിലോ
വെടിയുതിർക്കുന്നതിന്റെ
വീരകഥകൾ കേൾക്കാനും
ഇഷ്ടമുള്ളവർ ഏറെയുണ്ട് !
രതി,
അവരവരുടെ സ്വാതന്ത്രത്തിന്
അങ്ങനെയങ്ങ് വിട്ടുകൊടുക്കാതെ
സ്വകാര്യതയിലേക്ക്
നുഴഞ്ഞുകയറുന്നവരുമുണ്ട് !
അവിവാഹിതർ
പലർക്കുമൊരു ചോദ്യചിഹ്നം .
കാഴ്ചക്കാർക്കവർ
ആൾത്താമസമില്ലാത്ത,
വിഷസർപ്പങ്ങളിഴയുന്ന
ദുരൂഹമായ ദ്വീപുപോലെയാണ്...
അവിവാഹിതർ
കെട്ടിയിട്ടില്ലെങ്കിലും
'കെട്ടുകഥ'കളിലെ
കേന്ദ്രകഥാപാത്രം തന്നെ !
സനീഷ് കായണ്ണ ബസാർ
(കൊറോണക്കാലത്തെ കവിതകൾ -60)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ