കോലാട് 

കഥാനന്തരം

റീനടീച്ചറാണെന്നെ

കോലാടെന്നു വിളിച്ചത് ...

പണ്ട്, മാധവിക്കുട്ടിയുടെ
വീടുപണിക്കുപോയിരുന്നയമ്മ
അമ്മയുടെ അസമയത്തുള്ള
തലമുറകളിലൂടെയുള്ള
എങ്കിലുമാത്മാര്ഥതയോടെ ചെയ്ത
കോലാട്

കോലാട് വായിച്ചപ്പോൾ

അമ്മയെക്കുറിച്ചുതോന്നിയ

അതേകാര്യം തന്നെ !

അവിടുത്തെ  മഞ്ഞൾനടുന്നതും

നെല്ലുപുഴുങ്ങുന്നതുമോർത്ത്

അർദ്ധരാത്രിയിലുമാധിപൂണ്ടു !

നെടുവീർപ്പുകളന്നെനിക്ക്

ഇഷ്ടമല്ലായിരുന്നെങ്കിലും

കാലാന്തരത്തിലമ്മയെത്തന്നെ

അനുകരിച്ചിട്ടുണ്ട് ഞാൻ !

കോലാടുകളുടെ സഞ്ചാരം

അത്ര ഭംഗിയുള്ള  കാര്യമല്ല.

ഇറച്ചിക്കാരനുപോലും വേണ്ടാത്ത

അവഗണനയാണവസാനം !

ഹൃദയത്തിന്റെ  ഒപ്പുകളോർത്ത്

കോലാട്  നിരാശപ്പെടാറില്ല;അതെത്ര

തോൽവിയും ദുഖവുമാണെങ്കിലും !

കൂട്ടം തെറ്റിയ  കുഞ്ഞാടാണ് .

അതിനെയന്വേഷിച്ച്‌

സ്നേഹമയനായ  ഒരാട്ടിടയൻ

മലയിറങ്ങി വരികതന്നെ ചെയ്യും !

സനീഷ് കായണ്ണ ബസാർ
(കൊറോണക്കാലത്തെ കവിതകൾ -49  )