സ്വപ്നം

നിലാവുകൂട്ടിരുന്ന രാത്രിയില്‍ 

ഞാനൊരു സ്വപ്നംകണ്ടു ...

വെളുത്തമേഘങ്ങളാല്‍ 

പണിതീര്‍ക്കപെട്ട 

വിശുദ്ധവസ്ത്രങ്ങളണിഞ്ഞു 

മാലാഖകുഞ്ഞുങ്ങള്‍ 

വിണ്ണില്‍നിന്നും ഇറങ്ങിവരുന്നത് ...

ശ്രേഷ്ഠമായ ഉദ്യാനത്തിലെ 

വള്ളികള്‍ കൊണ്ടുപൊതിഞ്ഞ 

വശ്യതയാര്‍ന്ന ഒരു സമ്മാനം 

എനിക്കായി നല്കപെടുന്നത് ...

തുറന്നുനോക്കവേ,

വിസ്മയിപ്പിക്കുന്ന സുഗന്ധം... 
പൂമ്പാറ്റകളും

ചിറകുകളുള്ള നക്ഷത്രങ്ങളും പറന്നുവന്നു .

അവ ആകാശത്തെ അലങ്കരിച്ചു.

മാലാഖകുഞ്ഞുങ്ങള്‍ 

പാട്ടുപാടുകയും 

ശലഭങ്ങള്‍ 

നൃത്തംവെക്കുകയും ചെയ്തു.

പിന്നീടെപ്പോഴോ

സ്വപ്നങ്ങള്‍ 

സ്വപ്നങ്ങള്‍മാത്രമാകപെട്ടു ...

ഞാനാകട്ടെ 

ഭൂമിയിലെ നരകത്തില്‍ 

ചങ്ങലകളില്‍ ബന്ധിതനാകുകയും 

നിലാവുകൂട്ടിരുന്ന രാത്രിയില്‍ 

ഏറെ അനാഥനാകുകയുംചെയ്തു ...